流堂聽講道 - Good Night | 主持：流人小兵, 俊希, 肥仔

忙碌嘅一週,我哋成日覺得時間唔夠用,好似唔多做啲就會跌低。但人必須要有休息嘅時間,而訓覺,正正係重新 reset 自己嘅機會。

今集《流堂聽講道》,三位主持流人小兵、肥仔同俊希,會同大家分享訓覺嘅感覺:有冇試過瞓得特別好,醒返個人精神晒?又或者因為壓力、心事,夜深都瞓唔着?我哋會傾下點樣為自己預備一個好嘅睡眠,亦都會從信仰角度,一齊諗下「安息」對生命嘅意義。原來,放低一切、安心瞓覺,本身就係一種交託。

節目輕鬆自在,唔使正襟危坐,你可以喺通勤路上聽,亦都可以喺臨瞓前戴住耳機慢慢聽。聽完之後,希望你可以放鬆啲,安安樂樂訓一覺。

最後,和大家一齊做個好夢。晚安。

歌曲推介

林家謙 - 神奇的糊塗魔藥

Flow Music - 放下自己