حلقة 118: أبعد من المعتقدات 1 — المعتقدات أدوات مش حقائق

📙 اطلبوا النسخة العربية من الكتاب، أبعد من المعتقدات 🔗 في الأسفل ، من دار جبل عمان ناشرون:https://shop.japublishers.com/Beyond-belief-Ar?tracking=DbL0gVDUMMtgMg8OzJydHO1kR23ifi278Seh1D3cTERdfoJObZXrubl2aKSsAUZr

الحلقة 1 من 3: المعتقدات أدوات، والقوة الأولى هي الانتباه

سلسلة جديدة عن كتاب Beyond Belief لنير إيال وجولي لي، بمقاربة علمية. بهاي السلسلة بناخد القوى الثلاث للمعتقد: كيف بيغيّر اللي بنشوفه، واللي بنحس فيه، واللي بنقدر نعمله. واليوم بنبلّش من الأساس ومن القوة الأولى.

بهاي الحلقة بحكي عن:

• تجربة فئران ريختر سنة 1957، والفرق الوحيد اللي خلّى مجموعة تسبح 240 ضعف المدة
• مثلث الدافعية: السلوك، والفائدة، والمعتقد اللي بيربطهم
• الفرق بين الحقيقة والإيمان والمعتقد، بثلاث كلمات
• السؤال اللي بيستبدل "هل هاد صحيح؟"
• ليش بنشوف خمسين معطى بس من بين أحد عشر مليون
• عملية جراحية 55 دقيقة بدون تخدير، وشو علاقتها بالانتباه
• فخ الاجترار، وثلاث أدوات لماريا للخروج منه
• تجربة الجريدة: ليش المحظوظين خلّصوها بإحدى عشرة ثانية والمنحوسين بدقيقتين ونص
• ثلاث ممارسات لصناعة الحظ، وفيها هدف للرفض
• تدقيق المعتقدات، ولما المعتقد المفيد يتحجّر

اقتباسات من الحلقة:

المعتقدات أدوات، مش بالضرورة حقائق. والسؤال مش: هل هاد المعتقد صحيح؟ السؤال: هل هاد المعتقد بيخدمني؟

إحنا بنعيش الحياة من ثقب مفتاح الباب.

المحظوظين ما بيزبط معهم الحظ أكثر. هم بيشوفوا حظ أكثر.

كنت بفكر حالي بحلل وبدقق لما بعيد شو غلطت. بس الحقيقة، كنت بدرب دماغي إنه يشوف بس الإثباتات اللي بتأكد أسوأ مخاوفي. (ماريا)

فئران ريختر ما صارت أقوى. بس صارت تصدق إنه في فايدة من السباحة.

أدوات ماريا الثلاثة:🗣️ احكوا عن حالكم بضمير الغائب بالمواقف الصعبة❓ اسألوا عن الفائدة مش عن الحقيقة: هاد التفكير بيساعدني أتحسن، ولا بس بيتعبني؟⏱️ مؤقت خمس دقايق: استخرجوا الدرس، اكتبوه، وبعدها حوّلوا انتباهكم

تطبيق هاد الأسبوع (MTM):الحد الأدنى: خدوا معتقد سلبي واحد مرق براسكم اليوم، واسألوه: هل بيخدمني؟الهدف: جرّبوا أدوات ماريا الثلاثة طول الأسبوعالحد الأعلى: اعملوا تدقيق معتقدات بدفتركم، وحطوا هدف رفض واحد لهاد الشهر برقم محدد

ذُكر بالحلقة:

• 📙 Beyond Belief لنير إيال وجولي لي، والنسخة العربية أبعد من المعتقدات من دار جبل عمان ناشرون: https://shop.japublishers.com/Beyond-belief-Ar?tracking=DbL0gVDUMMtgMg8OzJydHO1kR23ifi278Seh1D3cTERdfoJObZXrubl2aKSsAUZr
• نير إيال، صاحب Hooked وIndistractable (ضد التشتت)
• تجربة كيرت ريختر، جامعة جونز هوبكنز، 1957
• الدكتور ريتشارد وايزمان وأبحاثه عن الحظ
• الدكتورة تينا سيليغ، جامعة ستانفورد، ومقياس المخاطرة
• الدكتور جويل لو بون، جامعة جونز هوبكنز، وأهداف الرفض
• 📚 قائمة الكتب اللي بنصح فيها: https://bardees.myflodesk.com/books

بالحلقة الجاي: القوة الثانية، التوقع. كيف معتقداتكم بتغيّر اللي بتحسوا فيه بجسمكم، وليش المعتقدات عن التقدم بالعمر بتضيف سنين لعمرك حرفياً.

🎁 جدول تتبع العادات + ورقة المراجعة الأسبوعية، ضيفوا إيميلكم ورح توصلكم:https://view.flodesk.com/pages/600968e4238f5886b045315f

🥳 ورشات تدريبية مسجلة — شوفوها بأي وقت:

📝 دليلك للتدوين: احصلوا عليها الآن

🔁 ابنِ عاداتك لتغيّر حياتك: احصلوا عليها الآن

📧 اشتركوا في رسالتي الأسبوعية واحصلوا على هديتي:جدول تتبع العادات + نموذج المراجعة الأس